करमाला, स्त्री, (कराङ्गुलीभिर्मालयेव जपनात् कर- रूपा माला । कराङ्गुल्य मालेव वा ।) करपर्ब्ब- रूपमाला । यथा, “अनामिकात्रयं पर्ब्ब कनिष्ठात्रितयं तथा । तर्ज्जनीमूलपर्य्यन्तं करमाला प्रकीर्त्तिता” ॥ इति मुण्डमालातन्त्रे सामान्यविषयम् ॥ * ॥ “तर्ज्जनी मध्यमानामा कनिष्ठा चेति ताः क्रमात् । तिस्रोऽङ्गुल्यस्त्रिपर्ब्बाणो मध्यमा चैकपर्ब्बिका । पर्ब्बद्वयं मध्यमाया मेरुत्वेनोपकल्पयेत्” ॥ इति शिवरहस्यीयं शक्तिभिन्नविषयम् ॥ * ॥ “अनामामूलमारभ्य कनिष्ठादिक्रमेण तु । तर्ज्जनीमध्यपर्य्यन्तमष्टपर्ब्बसु संजपेत्” ॥ इति सनत्कुमारसंहितावचनं शक्तीतरेषामष्ट- वारविषयम् ॥ * ॥ “अनामिकात्रयं पर्ब्ब कनिष्ठा च त्रिपर्ब्बिका । मध्यमायाश्च त्रितयं तर्ज्जनीमूलपर्ब्बिका ॥ करमाला समाख्याता आरभ्यानामिकान्तरात् । तर्ज्जन्यग्रे तथा मध्ये यो जपेत् स तु पापकृत्” ॥ इति शक्तिविषये मुण्डमालातन्त्रम् ॥ * ॥ तथा । “अनामामूलमारभ्य प्रादक्षिण्यक्रमेण तु । मध्यमामूलपर्य्यन्तं जपेदष्टसु पर्ब्बसु” ॥ इदमपि शक्तिविषये अष्टवारपरम् । इति श्या- मारहस्यम् ॥
📄 मूल मुद्रित पृष्ठ (2-032-b) स्रोत: राधाकान्तदेव, शब्दकल्पद्रुम (1822–1858). डिजिटल संस्करण: Cologne Digital Sanskrit Dictionaries — CC BY-NC-SA।